Alamin ang tunay na pangalan ng mga paborito nating Kapamilya stars!

Showbiz By Editor Juan December 29, 2018

Karamihan sa ating mga paboritong artista ay gumagamit lamang ng mga stage name upang mas madaling matandaan ng mga tao at mas makilala ng maraming manunuod at taga-hanga. Narito ang ilan sa mga pangalan ng mga iniidolo nating artista na hindi mo aakalaing tunay nilang mga pangalan.

ARCI MUÑOZ

Si Arci Muñoz ay kilala bilang isang mahusay na aktres at mang-aawit. Siya ay 29 na taong gulang na. Nakuha ang stage name ni Arci sa unang dalawang letra ng kanyang pangalan na Ramona Cecilia Muñoz.

BEA ALONZO

Ang 31-taong gulang na aktres, mang-aawit, modelo at host na ito ay mas kilala bilang si Phylbert Angelie Ranollo Fagestrom sa totoong buhay.

DANIEL PADILLA

Ang 23-taong gulang na sikat na binatang aktor na ito ay mas kilala ng kanyang pamilya bilang Daniel John Ford Padilla. Siya ay anak nina Rommel Padilla at Karla Estrada.

DIEGO LOYZAGA

Siya ang 23-taong gulang na anak nina Cesar Montano at Teresa Loyzaga. Isa siyang aktor, modelo, VJ, endorser, at car racer. Ang totoo niyang pangalan ay Carlos Diego Loyzaga.

ENCHONG DEE

Nakilala ang 30-anyos na si Ernest Lorenzo Velasquez Dee sa kauna-unahan niyang TV drama na “Katorse” taong 2009. Siya ay kilala rin bilang isang aktor, modelo, swimmer, at mang-aawit.

JAKE CUENCA

Juan Carlos Cuenca naman ang tunay na pangalan ng 30-anyos na si Jake Cuenca. Hindi lamang siya isang aktor at modelo kundi isa rin siyang manlalaro ng “football”.

JODI STA. MARIA

Ang 36-taong gulang na si Jodi Chrissie Garcia Santamaria o mas kilala rin bilang Jodi Sta. Maria ay isang mahusay na aktres na nakilala sa mga proyekto niyang Pangako Sa’yo, Tabing Ilog, Darating ang Umaga, 100 Days to Heaven, Be Careful With My Heart, All You Need is Pag-ibig, The Achy Breaky Hearts, at Sana Dalawa ang Puso.

KATHRYN BERNARDO

Si Kathryn Chandria Manuel Bernardo ay 22-taong gulang na aktres, modelo, endorser, at recording artist na mas kilala bilang Kathryn Bernardo.

LIZA SOBERANO

Hope Elizabeth Soberano naman ang tunay na pangalan ng 20-taong gulang na Filipino-American na actress at model na ito. Mas nakilala rin siya bilang si Maria Agnes Calay ng romantic comedy television series na “Forevermore” kasama si Enrique Gil noong 2014-2015.

MAJA SALVADOR

Ang 30-anyos na si Maja Ross Andres Salvador ay kilala bilang isang aktres, mananayaw, mang-aawit, host, recording artist, at endorser.

MAYMAY ENTRATA

Si Marydale Entrata ay mas kilala sa nakararami bilang Maymay Entrata. Siya ay 21-taong gulang na aktres, mang-aawit, at modelo.

NASH AGUAS

Si Nash Aguas naman ay isang aktor, mang-aawit at modelo. Sa murang edad na limang taon ay nagsimula na siya sa industriya ng show business. Ang tunay niyang pangalan ay Aeign Zackrey Nash Victoriano.

ROBI DOMINGO

Si Robert Marion Eusebio Domingo o mas kilala bilang Robi Domingo ay 29-taong gulang na VJ, host, modelo at aktor.

VINA MORALES

Sharon Magdayao naman ang tunay na pangalan ng sikat na mang-aawit at aktres na si Vina Morales.

CHOKOLEIT

Jonathan Garcia naman ang tunay na pangalan ni Chokoleit. Siya ay kilala bilang isang mahusay na komedyante at performer.

KZ TANDINGAN

Kristine Zhenie Tandingan naman ang tunay na pangalan ng mahusay na mang-aawit na si KZ Tandingan.

ARJO ATAYDE

Juan Carlos Atayde pala ang tunay na pangalan ng mahusay na aktor na si Arjo Atayde. Siya rin ang anak ng beteranang aktres na si Sylvia Sanchez at asawa nitong si Arturo Atayde.