Bangs Garcia sobrang hands-on sa pag-aalaga sa kaniyang baby girl!
Tunay ngang masarap sa pakiramdam ang maging isang ina. Ito ay isang napakagandang biyaya at pagpapala sa maraming indibidwal. Bagamat may kaakibat itong hirap at mga pagsubok marami pa din namang mga magaganda at positibong naidudulot ang pagiging isang ina.
Kamakailan lamang ay ikinatuwa ng marami ang ibinahaging video ng aktres na si Bangs Garcia sa kaniyang social media account. Siya ay naglilinis ng kanilang bahay kasama ang kaniyang isang taong gulang na anak. Pinapakita at tinuturuan niya din ang kaniyang anak sa gawaing bahay. At talaga namang hindi nagpahuli ang bibong bata dahil sa pinunasan niya ang natapon niyang gatas sa sahig gamit ang tissue.
Ayon pa sa ibinahaging post ng aktres na malaki ang maitutulong ng pagtuturo ng maaga sa mga bata ng gawaing bahay dahil sa sila ay parte ng pamilya, nararapat lamang na matuto sila sa ilang mga gawaing bahay habang sila ay bata pa. Makakatulong din ito upang mas maging responsable sila sa kanilang paglaki. Ito din ay nakakatulong ng pagpapaunlad ng kanilang kompiyansa sa sarili.
Si Bangs Garcia o mas kilala rin bilang si Valerie Garcia ay isang aktres at pintor mula sa Davao City. Siya ay ikinasal sa kaniyang Filipino-British na asawang si Lloydi Birchmore. Disyembre 2017 nang sila ay biniyayaan ng anak na babae na pinangalan nilang Amelia. Sa ngayon ay nakabase ang kaniyang pamilya sa United Kingdom.
Talaga nga namang kahit may anak na si Bangs ay hindi pa rin niya nakakalimutang alagaan ang kaniyang sarili at ang kaniyang pangangatawan. Sa hubog ng kaniyang katawan ay tila hindi nga siya nanganak. Higit pa rito ay hands-on na hands-on siya sa pag-aalaga at pag-asikaso sa kaniyang pamilya.