Karagdagang 28 na ruta ng Point-to-Point Bus Service, inilunsad na!



Ang Premium Point-to-Point (P2P) Bus Service ay inilunsad noong 2016 upang makatulong sa labis na bigat ng trapiko sa Metro Manila. Ang proyektong ito ay nagnanais na makapagbigay ng ligtas, komportable at alternatibong sakayan ng publiko gayundin para sa mayroong mga pag-aaring sasakyan upang sila ay mahikayat na sumakay na lamang sa mga pampublikong sasakyan.


Noong ika-12 ng Marso, ang Philippines’ transport regulator ay nagbukas ng karagdagang 28 na ruta para sa mga “commuters”. Maaari na silang makagamit ng Premium Point-to-Point (P2P) Bus Service. Ayon sa Land Transportation Franchising and Regulatory Board (LTFRB) Memorandum Circular 2019-010, ang mga bagong ruta ng P2P bus ay ibabahagi sa 16 na franchise packages.




Kung ikaw ay galing sa Angat, Balagtas, Pandi at Plaridel, Bulacan ay maaaring bumaba sa North EDSA, Quezon City. Kung sa Philippine Arena ka naman nagmula ay maaaring bumaba sa Clark Pampanga, Calumpit Bulacan, La Union at Central Quezon, City. Kung sa lugar ng Calamba, Laguna ka naman nagmula ang magiging dulong ruta ay ang Makati City, BGC/Fort Bonifacio, Taguig City, at Lawton sa Maynila. Kung ang biyahe naman ay magmumula sa NAIA/PITX at Clark Pampanga, sa Baguio ang magiging babaan nito. Mula naman sa Batangas, City ay maaaring magtungo sa Alabang, Lawton, at PITX samantalang kung galing ka naman sa Lipa, Batangas ay maaari kang bumaba sa Alabang, Lawton, Ortigas at PITX.


Mayroon din namang P2P bus service sa Visayas kung saan kung ikaw ay magmumula sa Cebu, City maaaring magtungo sa Lapu-Lapu City, Danao City at Sibonga sa Cebu. Samantalang sa Iloilo City naman ang bus ay makararating ng Iloilo International Airport, Caticlan, at Kalino Airport. Mayroong 15 unit ng P2P bus na bumabiyahe sa Metro Manila tuwing rush hour. Mayroong 800 na pasaherong naseserbisyuhan tuwing umaga samantalang 600 naman kapag gabi.





error: Content is protected !!