Isang magkasintahan na hindi “daw” bagay usap-usapan ngayon sa publiko dahil sa mga sweet nilang larawan sa isang fast-food restaurant!
Viral
August 28, 2019
Gustuhin man natin o hindi, ang ating lipunan ay mayroong kani-kanilang mga batayan patungkol sa isang tao, bagay, o pangyayari na dapat ay sinusunod ng lahat. Ngunit ang reyalidad ng buhay ay kadalasang hinuhusgahan lamang ng mga tao ang kahit sino depende sa kanilang mga pisikal na anyo at hitsura. Kamakailan nga lamang ay naging usap-usapan sa social media ang magkasintahang ito dahil sa mga sweet na larawan nila na ibinahagi nila sa social media.
Ito ay ang “date” nila sa isang sikat na fastfood restaurant. Marahil ay dedma lamang ito sa publiko dahil sa natural na “date” lamang ito ng isang magkasintahan, ngunit naging usap-usapan talaga ito dahil sa ang babae sa larawan ay isang maganda at kaakit-akit na dalaga samantalang ang kaniyang kasintahan naman ay simple lamang.
Marami ang mga netizen na talagang nagdududa sa dalawa dahil marahil ay nagpapanggap lamang sila na magkasintahan at nais lamang nila ang maging sikat sa social media. Nagsimula ito matapos magbahagi ng mga larawan ang isang Marco Deliarte Asis at nilagyan niya ito ng caption na “Thursdate” na mayroon pang “heart emojis” sa kaniyang Facebook page habang naka-tag ang isang Vivian Reyes.
Sa unang larawan ay tila isang normal lamang na litrato kung saan handa nang kumain si Marco ngunit sa mga susunod pang larawan ay makikita na ang mga sweet at cute nilang mga larawan ni Vivian na magkasama. Dahil dito ay nagkaroon ng mga espekulasyon na sila nga ay magkasintahan. Halatang-halata rin na komportable sila sa isa’t-isa at masayang-masaya sa kanilang “date”.
Mayroong mga netizen ang nagkomento na mayroong mas nababagay na lalaki para kay Vivian habang mayroon namang iilan na sumang-ayon lamang kay Vivian. Mayroon pang mga nagpahayag ng kanilang mga opinyon na okey lang din naman siya kay Marco dahil sa hindi na ito muli pang makakahanap ng babae na kagaya niya na talaga namang naging hindi patas na panghuhusga para sa lalaki.
