Isang Pilipinang chemist gumawa at namigay ng libreng alcoh0l para sa mga nangangailangan sa kabila ng “hoarding” ng ibang Pinoy!



Nakakalungkot ang ilang mga balita sa social media sa ngayon patungkol sa mga taong bumibili ng pakyawan o kahon kahon sa mga pamilihan para lamang masiguro na ang personal nilang pangangailangan ay kanilang makukuha kahit pa ito ay nangangahulugan na maraming mga pamilya at ibang indibidwal na maapektuhan at mawawalan na ng pagkakataon na makapamili para sa kanilang sarili at pamilya.



Kamakailan nga lamang ay napabalita ang pagkakaubusan ng mga alcoh0l at face mask sa iba’t-ibang mga bilihan at maging ang prutas tulad ng saging ay talaga namang pinapakyaw na rin ng marami. Sa kabila ng tila makasariling ugali na ito ng publiko ay mayroon pa ring mga nakakamanghang kwento ng pagtulong mula sa ilang mga Pilipino. Katulad na lamang ng isang Pinay chemist na ito na gumawa mismo ng mga alkohol at libreng ipinamahagi sa mga tao.

Siya ay nakilala bilang si Meg Reyes-Sy na isang licensed chemist na naninirahan sa Quezon City, Metro, Manila. Sa kabila ng matinding kakulangan sa alkohol sa iba’t-ibang panig ng bansa ay naisipan niyang tumulong sa sarili niyang pamamaraan at kaniyang ginamit ang kaniyang kakayahan at kaalaman bilang isang chemist.


Hindi man siya frontliner tulad ng ating mga doktor, at hindi rin siya isang sundalo o military na nakatutulong sa kaayusan sa mga ganitong panahon ng krisis ngunit isa naman siyang chemist at kaya niyang gumawa ng alkohol na tiyak na makatutulong sa publiko upang makaiwas sa paglaganap ng coronavirus 2019. Ayon sa kaniyang viral post, nais lamang niya makatulong dahil na rin sa dami ng mga nababalitaan niyang hindi maganda patungkol sa mga alkohol at hindi niya nais na sumikat o magpasikat.


Prayoridad niyang matulungan ang mga matatanda, sanggol, at mga taong mayroong karamdaman na nangangailangan ng alkohol ngunit hindi sila makabili dahil sa wala nang stock kahit saan. Ang tanging hiling lamang niya ay gumawa ng mabuti ang mga taong kaniyang tutulungan sa kanilang kapwa tao nang bukal sa kanilang mga puso.




error: Content is protected !!