Netizen na umorder ng “Calvin Klein” online nakatanggap ng “Calvni Klein”!



Sa panahon natin ngayon ay napakadali nang gawin ang maraming mga bagay kahit nasa bahay lamang tayo. Marami sa atin ngayon ang “work from home”, nag-aaral sa pamamagitan ng mga “online classes”, nagtitinda at bumibili ng mga produkto “online”.



Ilan sa mga bagay na naging madali na para sa atin ngayon ay ang pamimili ng ilan sa mga pangunahin nating pangangailangan sa ating tahanan. Hindi na kakailanganin pang lumabas ng ating mga tahanan at sumakay ng pampublikong transportasyon para lamang mabili ang kinakailangan natin.


Mas ligtas at sigurado pa tayong makakaiwas tayo sa matataong lugar lalo na sa panahon ng pandemya. Isang pindot lamang sa ating mga gadget ay talaga namang mapapadali ang ating pamimili. Ngunit hindi rin natin maiiwasan ang mga hindi magagandang karanasan natin dahil sa “online shopping”.

Ilan sa mga kilalang online shopping websites sa ngayon ay ang Lazada, Shopee, Alibaba, Amazon, at eBay. Kamakailan lamang ay nagbahagi ng kaniyang pagkadismaya ang isang netizen sa social media dahil sa nabili niyang produkto sa isang online shopping platform.


Siya ay nakilala bilang si Jayrous Villanueva. Ayon sa kaniyang social media post na agad na nag-viral online, umorder siya ng dalawang “sets” ng “Calvin Klein” underwear ngunit “Calvni Klein” ang dumating sa kaniyang bahay! Agad naman siyang nagmensahe sa “online seller” ngunit sinabi nitong magkamukha lamang ito ng brand.



Iginiit naman ni Villanueva na hindi magkamukha ang mga brand na ito dahil sa unang una ay magkaiba ang pagbaybay ng mga salitang “Calvin Klein” at “Calvni Klein”. Ayos lang daw sa kaniyang hindi na maibalik pa ang kaniyang pera ngunit nais niyang magawan ito ng aksyon upang hindi na maranasan pa ng ibang mamimili.

Ipinaalala din niya sa maraming mga Pilipino ang RA 7394 (Consumer Act of the Philippines), ito ang batas na nagpoprotekta sa mga Pilipinong mamimili at nagtatatag ng mga pamantayan sa industriya ng pagnenegosyo sa bansa.




error: Content is protected !!