Categories: Viral

Aubrey Miles, certified plantita dahil sa kaniyang mga “rare plants” na nagkakahalaga ng Php300,000!

Hindi bago sa maraming mga Pilipino ang makarinig ng mgakatagang “Certified Plantito”, “Certified Plantita”, “Plant Parents” at marami pang mga salitang patungkol sa pag-aalaga ng mga halaman. Buhat kasi ng magsimula ang paglaganap ng pandemya sa bansa noong kalagitnaan ng Marso 2020 ay unti-unti na ring nagsimula ang ilan sa ating mga kababayan na humanap ang mapaglilibangan.

Isa na sa mga ito ang pangongolekta ng mga halaman. Dahil na rin dito ay mas maraming mga Pilipino ang nabigyan ng pagkakataong magbenta ng mga halaman at kahit papaano ay kumita sa gitna ng pandemya.

Isa na nga sa mga sikat na personalidad na talagang kinabibiliban at kinaiinggitan ngayon ng publiko ay ang aktres at modelong si Aubrey Miles. Mayroon lang naman kasi siyang halaman na nagkakahalaga ng Php300,000!


Malaking halaga na ito para sa marami sa atin ngunit para sa mga “Certified Plant Parents” ay hindi isyu ang ano mang halaga ng pera lalo na kung talagang hilig nila ang pangongolekta ng mga halamang ito. Ayon sa naging pahayag ni Aubrey sa programa ng “Brigada” sa GMA News ay nagsimula na siyang mag-alaga ng mga halaman bago pa man ang pandemic.

Mayroon din siya noong mamahaling halaman na inaalagaan at kaniyang pinapalaki. Kapag lumaki na ang halaman niyang ito ay saka naman niya ibinebenta sa mga malalapit niyang kaibigan.

Ang halamang ito ni Aubrey ay tinatawag na “Variegated Billietiae”. Isa ito sa mga halamang mahirap palakihin at palaguin kung kaya naman maaari talaga itong magkahalaga ng tumataginting na Php300,000.

Pagkukuwento pa ng aktres, nagsimula ang lahat 12 taon na ang nakararaan nang magbuntis siya sa ikalawa niyang anak. Tamad na tamad siyang maghardin noon kung kaya naman ipinasok na lamang niya ang ilang mga halaman niya sa loob ng kanilang tahanan.

“Pride” at “Joy” ang nararamdaman ni Aubrey sa tuwing makikita niyang lumalaki at lumalago ng mabuti ang mga halamang kaniyang inaalagaan.

Editor Juan

Recent Posts

KC Concepcion ibinahagi ang bagong swimsuit photos

Kamakailan lamang ay nagbahagi ng mga larawan sa social media accounts si KC Concepcion, isang…

1 year ago

Usap-usapang lolo na bumili ng sasakyan in cash, ibinahagi ang simpleng pamumuhay

Si Lolo Manuel Almere, 80 taong gulang, ay naging viral noong nakaraang mga araw dahil…

2 years ago

Kaklase ni Nadine Lustre noon, masayang binahagi ang mga alaala nila patungkol sa “kisses” noong elementarya

Elementarya ang isa sa pinakamasayang yugto ng ating buhay bilang bata. Dito nagsisimula ang paghubog…

2 years ago

Isang OFW sa Japan, ginawaran ng parangal matapos magligtas ng buhay ng isang Haponesa

Kamakailan lamang ay may ulat mula sa Unang Balita patungkol sa isang Pinoy sa Japan…

2 years ago

Efren ‘Bata’ Reyes nagkamit ng Bronze Medal sa ginaganap na 2022 Sea Games.

"The Magician" kung tawagin si Efren 'Bata' Reyes dahil sa angking galing sa larangan ng…

2 years ago

Willie Revillame, nag-alok kay Herlene Budol “Hipon Girl” ng matitirhang unit sa Wil Tower

Isa sa pinaka maimpluwensyang host sa Pilipinas si "Kuya Wil" o Willie Revillame. Kamakailan ay…

2 years ago