Categories: Viral

Siyam na taong gulang na batang lalaki, nagsauli ng halagang Php32,000 at mga gamit na kaniyang napulot sa tunay nitong may-ari!

Sa panahon natin ngayon, madalang na tayong makarinig ng magagandang mga balita sa telebisyon man o sa radyo at kahit pa nga sa iba’t-ibang uri ng social media platforms. Kahit pa nga napakaraming negatibo at hindi magandang nangyayari ngayon sa ating bansa ay marami pa ring mga tao ang gumagawa ng mabuti sa kanilang kapwa.

Tulad na lamang halimbawa ng isang batang ito na siyam na taong gulang pa lamang. Hinahangaan siya ngayon ang maraming mga tao dahil sa kaniyang pambihirang katapatan at kabaitan.

Nakapulot kasi siya ng isang “pouch” na mayroong laman na Php32,000, ilang mga identification cards o ID, at mga importanteng dokumento habang siya ay pauwi. Hindi niya ito pinag-interesan at agad niyang isinauli sa may-ari.
Labis labis ang pasasalamat ng may-ari ng pouch sa batang ito at talagang bumilib siya ng husto sa kaniya. Hindi rin naman niya hinayaang umuwi ang batang si Gernan Garcia nang walang dalang gantimpala sa ginawa niyang kabutihan.

Nagpasalamat din siya sa mga magulang ng bata dahil sa napakagandang pagpapalaki nila sa kanilang anak. Hindi lahat ng mga kabataan at mga tao ngayon ay kakikitaan mo ng ganitong pag-uugali kung kaya naman sa murang edad ay talagang bibilib ka na kay Gernan.

Agad namang kumalat sa social media ang kwentong ito ng bata na siyang naging dahilan upang umulan ng mga biyaya at pagpapala para sa kaniya at sa kaniyang pamilya. Umulan ng papuri at magagandang reaksyon mula sa maraming mga netizens ang mga posts patungkol sa batang si Gernan.

Mayroon ding ilang mga taong nais magbigay ng tulong at kaunting biyaya sa kaniya at sa kaniyang pamilya kabilang na ang sikat na personalidad na si “Jojo A”. Nagkomento kasi ito sa post ng “GMA News” at nagtanong kung sino ang maaaring kausapin upang makapagpaabot ng kaunting biyaya para sa matapat na bata.

Source: Facebook

Editor Juan

Recent Posts

KC Concepcion ibinahagi ang bagong swimsuit photos

Kamakailan lamang ay nagbahagi ng mga larawan sa social media accounts si KC Concepcion, isang…

1 year ago

Usap-usapang lolo na bumili ng sasakyan in cash, ibinahagi ang simpleng pamumuhay

Si Lolo Manuel Almere, 80 taong gulang, ay naging viral noong nakaraang mga araw dahil…

2 years ago

Kaklase ni Nadine Lustre noon, masayang binahagi ang mga alaala nila patungkol sa “kisses” noong elementarya

Elementarya ang isa sa pinakamasayang yugto ng ating buhay bilang bata. Dito nagsisimula ang paghubog…

2 years ago

Isang OFW sa Japan, ginawaran ng parangal matapos magligtas ng buhay ng isang Haponesa

Kamakailan lamang ay may ulat mula sa Unang Balita patungkol sa isang Pinoy sa Japan…

2 years ago

Efren ‘Bata’ Reyes nagkamit ng Bronze Medal sa ginaganap na 2022 Sea Games.

"The Magician" kung tawagin si Efren 'Bata' Reyes dahil sa angking galing sa larangan ng…

2 years ago

Willie Revillame, nag-alok kay Herlene Budol “Hipon Girl” ng matitirhang unit sa Wil Tower

Isa sa pinaka maimpluwensyang host sa Pilipinas si "Kuya Wil" o Willie Revillame. Kamakailan ay…

2 years ago