Ilang linggo na rin ang nagdaan mula nang ipanukala ng ating Presidente ang enhanced community quarantine sa maraming mga lugar sa bansa upang hindi na dumami pa ang mga bilang ng mga taong nahahawa ng sakit na COVID-19 sa bansa. Talaga namang napakahirap ng sakripisyong ito para sa maraming mga pamilyang Pilipino ngunit mas mahirap ito para sa ating mga frontliners.
Tulad na lamang halimbawa ng mga doktor, nars, sundalo, pulis, at ilan pang mga empleyado ng gobyerno at lokal na pamahalaan. Kamakailan lamang ay labis na umantig sa puso ng publiko ang video na ito ng isang healthcare worker na nakaupo lamang sa sahig habang nakasuot ng
Personal Protective Equipment o PPE. Talaga namang kakahabagan mo ang kaniyang kalagayan dahil sa mainit na kasuotang nasa katawan niya na halos puro plastik na rin dahil sa kakapusan natin sa mga PPE sa maramin mga ospital. Mapapansin din sa kaniyang mga kilos na tila inaantok siya at nais niyang mamahinga ngunit wala siyang ibang magagawa kundi ang gawin ang kaniyang tungkulin para sa maraming mga Pilipino.
Nakakalungkot lamang talaga na kahit gustuhin pa nilang umuwi na lamang at makasama ang kanilang mga mahal sa buhay ay mas pinili nilang labanan ang delikadong pandemyang na nararanasan ng maraming mga bansa sa buong mundo sa ngayon. Maraming mga netizens ang nagkomento ng kani-kanilang mga pahayag patungkol sa sitwasyon ng frontliner na ito.
Marami sa kanila ang nagsabing mas mainam talagang sundin na ng bawat isa ang “Stay-At-Home” policy at ang social distancing upang hindi na mahirapan pa ang mga taong ito na nagsasakripisyo para sa kapakanan nating lahat. Kahit pa ibig sabihin nito ay hindi nila maaaring makapiling ang kanilang mga mahal sa buhay hanggang hindi pa natatapos ang pandemyang ito.
Kung magkakaisa lamang at magtulungan tayong lahat para sa ikaaayos ng ating bayan, tiyak na mas mapapadaling matapos ang krisis na ito.
Kamakailan lamang ay nagbahagi ng mga larawan sa social media accounts si KC Concepcion, isang…
Si Lolo Manuel Almere, 80 taong gulang, ay naging viral noong nakaraang mga araw dahil…
Elementarya ang isa sa pinakamasayang yugto ng ating buhay bilang bata. Dito nagsisimula ang paghubog…
Kamakailan lamang ay may ulat mula sa Unang Balita patungkol sa isang Pinoy sa Japan…
"The Magician" kung tawagin si Efren 'Bata' Reyes dahil sa angking galing sa larangan ng…
Isa sa pinaka maimpluwensyang host sa Pilipinas si "Kuya Wil" o Willie Revillame. Kamakailan ay…