Inamin ni Sen. Manny Pacquiao ang kasalukuyang pagkuha ng degree upang mas makatulong siya sa problema ng bansa

Kamakailan lamang ay nabalitaan natin ang pagka-panalo ng Pambansang Kamao sa laban niya kontra kay Adrien Broner noong nakaraang Enero. Muling pinatunayan ni Sen Manny Pacquiao ang kanyang angking galing sa larangan ng boxing. Dahil isa din siyang sendador ng bansa, kinakailangan niya ring gampanan ang kanyang paglilingkod sa bayan. Inamin ni Sen. Pacquiao na siya ay kasalukuyang kumukuha ng degree upang lubusang maintindihan ang kinakaharap ng problema ng bansa.

Hindi napag-usapan kung saang kolehiyo ito, pero nabanggit ng Senador na sa Maynila ito. Sinabi din niya na malapit ng matapos ito.

Sabi ni Sen. Manny Pacquiao:
Malapit na.” idinagdag pa niya, “Tinatapos ko ang college ko, dito lang sa Maynila.”

Ito pa ang sinabi niya sa interview niya sa ANC:
“Yes, nag-aaral ako. The most important thing is alam mo ‘yung sitwasyon ng problema ng bansa natin.”

Ibinahagi din niya na siya ay gumagawa ng isang power point presentation tungkol sa economics.

Tinanong din ang Senador kung naiisip niya bang tumakbo bilang Presidente sa taong 2022, pero ang sabi ng Senador ay wala pa daw sa isip niya ito. Ang tanging layunin niya lang ay kung paano mas makaka-tulong sa bansa upang masolusyonan ang kahirapan at mataas na buwis.

Ito pa ang sinabi ni Sen. Manny Pacquiao:
“Sa ngayon hindi ko iniisip ‘yung thing about running 2022. Alam mo ang iniisip ko ang solusyon sa mga problema sa bansa natin,”

Ibinanggit din ng Senador na ang puso niya ay para makatulong at magbigay ng karangalan sa bansa.

Idinagdag pa ni Sen. Manny Pacquiao:
“Masaya ako bilang senador, gampanan trabaho ko. Nagbibigay ako ng karangalan sa ating bansa. Masaya ako d’yan. ‘Yun ang nasa puso.”

Nakaka-bilib talaga ang naging istorya ng buhay ng Pambansang Kamao. Mula sa kahirapan ay nagawa niyang maging isang tagumpay na boxingero at isang maaasahang Senador na handang tumulong sa maraming tao.